søndag 19. juni 2016

Hallvardsfjellet

Fire var med på tur til Hallverdsfjellet søndag 19. juni. Etter vekesvis med godt ver, kom "endeleg" ruskeveret søndag. Dermed var det så som så med oppmøtet.
Ved sommarfjøsen i Lia på Dyrkorn

Opp gjennom lyng, skog og skodde.




Vi køyrde til Lia ved Dyrkorn, og starta derifrå. Først i bratt terreng opp til ein sommarfjøs og vidare. Vi kom opp i skodda, og det var lite utsikt å spore. Vi følgde råsa eit stykke, før den vart borte, og vi tok retninga mot Hallvardsfjellet. Vi gjekk gjennom lyng og småskog, og fenn toppen. Ikkje noko problem når ein har GPS...

Turlaget på toppen av Hallvardsfjellet. Litt regn på linsa også...
Pause på hyttene ved Geiteskarvatnet
Dagens utsikt.
Sidan veret ikkje var med oss, bestemte vi oss for å ikkje gå heile runden som først var satt opp. Vi gjekk ned mot Geiteskarvatnet og dei to hyttene som ligg der. Ein kort matpause på trappa til eine hytta, før vi fann vegen nedatt. Her kom også ei kraftig regnbyge.

Fakta:
Hallvardsfjellet, Dyrkorn
Dato: 19.6.2016
Turleiarar: Ruth Janne Vinje
Tidsbruk: 2,5 t
Deltakarar: 4
Fotos: Ruth Janne Vinje 

fredag 10. juni 2016

Rugga - Syltefjellet

Helsing frå utsiktspunktet ved Ruggå
14 personar fekk ein flott tur mellom Fjørå og Valldal.
Starten gjekk frå Hauge i Fjørå. Her var det om lag 25 minuttars gange i greitt terreng opp til Ruggå.
Ruggå er ein stein som ruggar på seg, eit litt fasinerande fenomen. Fleire måtte opp på steinen og prøve. Utsikta ned til Valldal var også flott. Det er bygd ei fin grindløe ved Ruggå.

Hallbjørg Vinje ruggar på Ruggå.
FLott grindløe ved Ruggå.
Turen gjekk vidare mot Syltefjellet. Litt opp og ned, og vi fekk etterkvart utsikt igjen. Vi kom til Kvitsva, ei lita hytte der dronning Sonja hadde etterlatt ei helsing.

Vi gjekk...
...og vi gjekk.
Helsing frå dronning Sonja
Terrenget skråa no nedover og vi følgde raude merker på ein litt utydeleg sti. Vi kom til eit nytt utsiktspunkt, denne gongen rett over Valldal sentrum. Klostertomta var vi ikkje heilt sikker på kvar var. Nokre gjekk tilbake mot Hauge, medan andre fortsette nedover. Der låg tomta til nonnene.

Flott utsikt ut over Norddalsfjorden.


Pause på Syltefjellet.



Fakta:
Ruggå og Syltefjellet, Valldal
Dato: 8.6.2016
Turleiarar: Kjell Magne Hove
Tidsbruk: 3 t
Deltakarar: 14
Fotos: Ruth Janne Vinje 

onsdag 1. juni 2016

Storhornet

Stordal Turlag på Storhornet
Flott tur i flott vêr til Godøya søndag 29. mai. Her gjekk 19 frå turlaget opp på Storhornet, ned fjellsida og langs sjøkanten tilbake.
John Helge Larsen på veg opp fjellet med Alnes i bakgrunnen.

Stig Runar Nakken på Johan Skytt-steinen.

Pause på toppen


På veg nedatt

Litt bratt.
Fakta:
Storhornet og rundt Lesten på Godøya
Dato: 29.5.2016
Turleiarar: Bente Nakken Nilsen og Stig Runar Nakken
Tidsbruk: 5 t
Deltakarar: 19
Fotos: Hallbjørg Vinje

onsdag 25. mai 2016

Utai tunnelane Dyrkorn-Viset

Starten frå Dyrkorn
Turlaget hadde lagt opp til ein spennande tur på gamlevegen mellom Dyrkorn og Viset.
Heile 33 møtte opp til tur denne nydelege vårdagen. Den yngste var fire og den eldste var midt i 70-åra. Vi starta ut Dyrkornstranda til Kokarsteinen. Dette er ein mykje brukt turveg. Synd at kiosken på Kokartsteinen ikkje hadde ope, hadde nok fått selt litt is...

Vidare frå Kokarsteinen er terrenget litt meir attvekse. Vi måtte gå litt på bilvegen ut mot den nyaste Viset-tunnelen. Her klatra vi over autovernet og fortsette på utsida. Det var ikkje lange stykket til den gamle Visettunnelen. Den var jaggu smal, det hadde ikkje vore mogleg for to bilar i breidda. Det er ein møteplass midt i tunnelen, men denne hadde vorte sprengt ut litt seinare.
Pause ved Kokarsteinen

På med hovudlykt og inn i gamle Visettunnelen

Gamlevegen til Viset har ikkje vore i bruk på over 30 år. På Wikipedia står følgande:
Visettunnelen går gjennom Visetfjellet ved Storfjorden på strekningen Viset-Dyrkorn. Den er 1111 meter lang. Tunnelen erstattet et smalt og bratt parti (fra 1939) med blant annet den gamle Visethammaren tunnel (3,4 m bred, 360 m lang). Tunnelen ble bygget årene 1984-1985.

Alle kom seg gjennom med hovudlykt og lommelykt. Det var litt rusk og rask inne i tunnelen; stein, nokre avsaga tre og eit oppbrukt fyrverkeribatteri.
Mørkt - ja!

Vi kom trygt utatt

Bratt utføre, 129 meter rett i fjorden

Eit stykke utanfor tunnelen kom vi til det som ein gong hadde vore ei utkøyrsle. Her var gjerda rasa vekk, og vi såg rett ned i fjorden. Moderne mobilteknologi meldte om at vi var 129 meter over havet. 

Vi kom til Viset. Ein del hadde skyss innatt, medan mange valde å gå samme ruta tilbake.
Utgangen av tunnelen

Overbygget hadde rasa saman


Fakta:
Dyrkorn-Viset
Dato: onsdag 25.5.2016
Turleiarar: Alexander Oudijk
Tidsbruk: 2 t
Deltakarar: 33

søndag 15. mai 2016

Hovsnakken

Onsdag 11. mai 2016

På Hovsnakken
Årets første tur gjekk til Hovsnakken, som ligg rett over Hovslia. Det var ein nydeleg kveld, sola skein og 12 var med på tur. Turen til Hovsnakken (også kalla Nakkjen) er bratt, så ein fekk sveitte bra opp gjennom. Det var stort sett snøfritt, berre i siste bakken låg det litt igjen.

På Hovsnakken er ei lita gammal sæterbu, gjerne brukt til overnatting under jakta. Vi fekk skrive oss i turboka, og fortsette litt lenger opp. Der fekk vi utsikt over Storfjorden og Holmen. 

Fotografering av Stordalen og Hovsnakken
Turgjengen med Varden i bakgrunnen
Fakta:
Hovsnakken, 540 moh
Dato: onsdag 11. mai
Turleiarar: Bente Nakken Nilsen
Tidsbruk: 2 t totalt, 1 t opp
Deltakarar: 12

Nytt tur-år

2016 er i gang, og vi håper på mange fine turar i år også.
18. april var det årsmøte på Nilsgardstunet. 12 medlemmar møtte opp.
Frå turen til Ormula i Valldal i 2015


Heile styret vart gjenvald, og består av:
Leiar: Ruth Janne Vinje
Medlemmar: Alexander Oudijk, Frode Færøy

Vara: Kjell Magne Hove og Bente Nakken Nilsen

I fjor gjennomførte vi 13 turar. To måtte avlysast. Det var natturen til Lisjeskorkja og Geitebotstind med travers. Nokre valde likevel å gå Geitebotstind.


Vi hadde for første gong ein overnattingstur. Eigar av Ytste Åkerneset, Nils Roger Matvik, tok oss med over fjellet og ned på Åknesrevna. Oppvartning og overnatting på fjellgarden. Dette var ein interessant tur, sjølv om berre ni var med.

På dei tretten turane var det med i alt 148 stk. Det er litt nedgang frå tidlegare år, mykje dårleg ver tidleg på året kan vere litt av grunnen.
Dei som har gått flest turar er: Ruth Janne Vinje (12 turar), Stig Runar Nakken (10), Bente Nakken Nilsen (9)



Vi har plassert ut tre turkasser i 2015; på Lisjeskorkja, Storebua og Kvitegga.

søndag 24. mai 2015

Vasstrandegga

Vasstrandegga 20. mai


Bratt start på grusveg.

 Etter ein dag med skikkeleg surver, var vi litt i tvil om nokon ville vere med på tur. Men meldingane sa at det skulle lette klokka 18 - og det gjorde det. Vi køydre utover mot Ålesund, og både veret og humøret steig.

Vi plukka opp ei Vaksvikdame og ein Ørskogbygdar på vegen, og vi vart seks stykker på tur.

Vi køyrde til Spjelkavik, der vi tok av mot Vasstranda. Her var det ein kroglete og smal veg. Ørskogbygdaren hadde gått Vasstrandegga før, og viste oss vegen. Frå parkeringa ver det ein veldig bratt grusveg i starten. Vegen flata eg litt ut etterkvart, men dekke på vegen vart verre, med mykje større steinar/grus å gå på.
Ved demninga i enden av Langevatnet

Etter tre kvarter nådde vi demninga ved Langevatnet. Ein idyllisk plass med ei oppmura gammal demning. Ein kort stopp før vi hoppa over ein bekk og fann råsa vidare.


Lett å finne råsa.



Opp mot toppen

Sola skein gjennom skylaget. Brusdalsvatnet.
Det hadde vore mykje regn tidlegare, og det var mykje myr og gjørme. Råsa var tydeleg, det er nok mange som går her. Eit kort stykke frå demninga kom vi til eit skilt. Råsa fortsatte langs vatnet til Østremsætra, medan vi skulle oppover til Vasstrandegga. Her var det litt stigning i førsten, men etterkvart flata terrenget seg meir ut. Vi kunne no sjå utsyn ned mot Brusdalsvatnet, og ut mot Ålesund og øyane utanfor. Sola kika litt gjennom skyene. Vi passerte nokre tjern og nokre parti der snøen enno låg.

To timar brukte vi heilt opp. Vasstrandegga er det høgaste partiet i Ålesund kommune, medan sjølve toppunktet ligg i Skodje. Kommunegrensa var merka med ein gammal steingard. Frå toppen såg vi mektige Sunnmørsalpar på Sykkylvssida, og jammen fekk vi ikkje sjå ei regnboge også. Vi såg nesten heimatt, mot Gausneset og Skodje.
Gjengen på toppen.

Utsikta mot Ålesund og øyane utanfor på veg nedatt.

Fakta:
Vasstrandegga, 561 moh
Turleiarar: Ruth Janne Vinje
Tidsbruk: 3t totalt, 2 t opp
Deltakarar: 6